Como fazer um pergaminho
20 setembro 2006Depois da entrega enterio de Bricofriki! hoje toca um novo material para ambientar partidas.
Se calhar a espada é um trabalho maior para meter o pe nesto da bricolagem para frikis, assim que desta falaremos de algo mais singelinho pero útil para umha narraçom em mesa: Um pergaminho.
Em qualquera partida de ambientaçom magia e espada ter um documento feito em pergaminho ou incluso um atado enteiro pode dar muito jogo. A carta que os PJ tenhem que levar (sem abrir) a um sitio, o documento que lhe entrega o master a um dos jogadores. Para partidas em mesa é um recursos visual mui bom, e também para rol em vivo. Ademais, é mui singelo e rápido de fazer:
Os materiais que precissamos som:
-Folha de papel reciclado, papel de cor terra ou semelhante.
- Umha vela de cera ou parafina
--Cutter, taboa de cortar, ferro, taboa de passar o ferro, dous panos (um de eles de algodom)
Bem. O primeiro é escrever ou imprimir na folha o que queiramos. Também podemos fazer isto depois de todo o processo, pero tenho comprovado que assim é mais cómodo.
Depois emburrulhamos a folha sem piedade. Fazemos umha bolina, desfazemo-la e volvemos a emburrulhar. Itereamos até que o papel estea cuberto de dobreces.Colhemos dumha esquina e emrrugamos o papel contra ela, e o mesmo nas outras três.
O resultado tem que ser um papel cuberto de pelugem de tanto dobrar, quanto mais o gastemos (sem rachar) melhor.
Agora apoiamos o papel na taboa de cortar e empregamos o cutter para embastar o papel. Rabunhamos coa ponta da ferramenta, rachando o papel de jeito irregular.
Empregar o cuter da mui bos resultados, pero também podemos racha-lo a mão, sempre que coidemos de deixar muita pelugem nos bordes.
O resultado mais ou menos é este:
Bem agora temos que passar o ferro polo papel. Colocamos o folio sobre a taboa, sob um pano. Passamos o ferro sem presionar muito, pero de jeito uniforme, por ambas caras.
Colhemos o papel e volvemos emburrulha-lo, passando o ferro logo. Repetimos o processo umhas quantas veces, até que a folha adquiera umha textura de pergaminho.
Bem agora ponhemos o papel sobre umha superficie e empregamos a vela para cubri-lo com cera. Ide com tento, que pode rachar.
Facede isto polas duas caras, e já teredes um pergaminho mui jeitoso.
Há um truquinho para dar-lhe umha traça mais basta, com essa caracteristica transparência em algumhas zonas do papel. Quando passamos a cera sobre o papel cargamos mais forte sobre algumhas zonas, ao chou. Depois ponhemos o papel entre dous panos, com o superior ligeiramente molhado (Olho! Muuuui pouco! O melhor e molha-lo, escurri-lo e depois agardar um tendo como ele tendido).
Passamos o ferro como antes, e o resultado será que algumhas partes do documento tenhem mais corpo que outras.
Felicidades bricofrikis!
(Nota: O que pom no texto e a letra de "A saia da Carolina"...)
chúzame -
setembro 21st, 2006 at 7:45 pm
Bo traballo!!
Eu nestes casos o que fago é máis ou menos algo parecido, aínda que non queda tan profesional como o teu.
Comezo imprimindo ou escribindo o que quero nunha folla, enrugoa e a partir de aqui recorto os marxes coa man ou con tesoira. O corte ten que ser facendo ondas, como unha “S” máis ou menos. Logo collo un chisqueiro e vou queimando pouco a pouco os marxes e nalgunha esquina ou nalgún punto queimo un pouco máis.
Así fica un papel vello queimado :).
setembro 26th, 2006 at 6:49 pm
Tremendo. Eu vou cassar e pensaba fazer nas invitaçóms algo estilo pergamino, coa letra Gallaecia. Se convenzo á moza, já sei que tipo de invitaçóm entregarei.
Oooobrigadinho
setembro 26th, 2006 at 7:50 pm
Oes! Pois já mandarás algumhas fotos!
Tenho que ponher também o jeito de faze-lo com papel normal (empregando cafe).
Ah! E parabens pola boda!
outubro 2nd, 2006 at 4:44 pm
Obrigado, mais penso que nom se me deixo convencer… :-/
febreiro 28th, 2008 at 11:48 am
onde encontro pergaminho já pronto para que eu possa compra,,,tem que ser pergaminho virgem..