Fraudator multiplier
11 January 2007É umha magoa passar dos peitos galeguíssimos de Ana Maria a um fraudador com apoio mediático.
Vai dous dias apresentou-se em Santiago de Compostela um fraude que supera o nível doutros "grandes" inventos (mais, e mais, e mais) da História da Humanidade, ou isso ou umha conha do pau do clássico gerador automático de artigos o do escándalo Sokal. O Mechanical Multiplier...
No dossier de Prensa nom fica mui bem explicado o aparelho. Segundo A Voz melhoraria a eficácia ou "rendimento dos sistemas mecánica", e se consultamos a cronologia seica pode criar elećtricidade..."canalizando a energia da gravidade". O dossier é já umha escolma de despropósitos:
- "El mecanismo que se presenta es una reproducción de la estructura simplificada del átomo a nuestra escala, donde, las interacciones de las fuerzas internas con la fuerza gravitatoria terrestre cambian las predicciones de la Física Newtoniana y, en consecuencia , la base de la Dinámica" : Primeiro, a estrutura do átomo é um modelo. Melhor dito, som varios modelos. A ideia clássica que apresenta o átomo como um sistema solar minúsculo com o núcleo no centro como um sol e es electrons gravitando ao seu arredor é um modelo ultrapassado pola Mecânica Quântica e que só se emprega como sistema didático. O modelo quântico é um mapa da probabilidade de "topar" as particulas/onda constituintes num ponto (isto é também uma simplifcaçom)... um mecanismo físico a nossa escala nom pode representar um mar de probabilidades, ou comportar-se como umha partícula quántica pois as propriedades das partículas microscópicas estam limitadas a essa mesma ínfima. Cousa diferente é que algumhas dessas propriedades "emergam" ao mundo macroscópico em fenómenos observáveis. Segundo: As forças que agem coas partículas no átomo e criam as suas propriedades( As forças nucleares forte e fraca) nom se manifestam fora deste, e a gravidade é quase nula na escala atómica.
- "... la gravedad (estudiada y aceptada aunque desconocida con respecto a las otras fuerzas) ( ... ) Esta demostracion empírica, basada en el equilibrio de un sistema" A Voz engade " se basa en la canalización de la fuerza de la gravedad de tal manera que la energía producida no sea la misma en todos los casos, generando diferenciales que pueden ser empleados para mejorar el rendimiento." Primerio: É certo que a Gravidade é a Força Fundamental mais desconhecida, e que se resiste a adaptar-se às teorias que incluem às outras forças. Embora temos umha cousa segura: a Gravidade é umha força conservativa. Os campos conservativos tenhem a propriedade principal de seu trabalho nom depender do caminho seguido. Se umha partícula vai de A a B baixo a força da gravidade o trabalho é o mesmo se imos direitamente, por um caminho curvo ou passando por um terceiro ponto C. Nom há jeito de ganhar energia ligando efeitos gravitatorios, a soma será zero sempre (num ciclo fechado). Segundo: Dos sistemas em equilíbrio, dos que fala o dossier, nom se pode sacar energia sem romper esse equilíbrio.
- O artigo fala da aplicaçom das geometria nom-Euclidea... como um recurso estético proprio de umha novela de Lovercraft. A Relatividade basea-se numha geometria nom euclidea, mais vai acompanhada do trabalho de décadas de matemáticos e físicos excepcionais...
- O dossier vem decorado com esquemas mudos (sem indicaçons do que representam) e que nom correspondem com as representaçons esquemáticas dos sistemas nom-euclideos.
Poderia seguir, pero seria perder o tempo. Levo dous dias procurando informaçom sobre o tal Oumar Haidara Fall em publicaçons científicas, revistas, listagens de artigos remitidos a universidades.... rem, nada. Se a máquina do tal Fall funciona como ele di teria que vir acompanhada dumha morea de trabalho de investigaçom para ultrapassar a meirande parte das teorias da Mecânica, a Quântica, a Termodinâmica e a engenheria aplicada.... nom existe nada. Tampouco há referências a dados e mediçons que avalem o funcionamento do aparelho. Um trabalho dessa natureza nom passa da teoria (que nom existe) até a aplicaçom pratica (que tampouco existe) em 13 anos... sem deixar traças nos círculos científicos e técnicos.
Quero pensar que todo isto é umha brincadeira argalhada para ridiculizar a desinformaçom e a incultura científicas dos jornais e medios de comunicaçom. Todo o material que tenho sobre o tema é tam ridículo que a única saida lógica e esta. E como dixo umha jornalista com algo mais de seso: "Se é um achádego tam importante e tam revolucionario... que é que o apresentam em Santiago de Compostela?".
Nota: Preferia ter mais fotos de galegas feitinhas dando que falar às velhas...
Novas:
Sobre o tema de máquina que tenhem um rendimento superior ao 100% Randi Diz:
This, as any child in high school is aware, is known as the Law of Conservation of Energy, a finding that has probably been tested, proven, looked into, held up to close examination, and thoroughly established again and again, more than any other basic law of the universe. Consider: if just one exception to this law were ever found, it would turn the scientific world upside down, and would reverse the millennia of discoveries about how things work.
Como todos, nom perder este artigo de Randi, que trata outro fraude de "energia gratis"
Para seguir co ridículo Berto achega a patente do aparelho: Nom é mais que umha cambota, um relé...
Mais sobre o "invento do século"
-La estampita Energético em Verbascum
-Xornalismo serio, opinion independente em Dias Estranhos
chuzame -
January 11th, 2007 at 6:14 pm
Muito bem escrito. Gostei imenso desta postagem embora acho que muitas pessoas do comum aínda não perceberam o conceito básico de que a força gravitatória é conservativa (é dizer, que o campo gerado é irrotacional, é dizer, que o traballo pode ser descrito por uma função potencial).
January 11th, 2007 at 7:06 pm
Obrigado!
Tés razom co dos campos conservativos, mais nom queria alongar muito o artigo
January 13th, 2007 at 5:40 pm
o tío ese de “La Voz” tería que ter sido máis listo e pór todo en boca do Fall ese, e así non quedaba el de parvo. se ata eu me din conta na roda de prensa de que todo aquilo era unha patraña. Eu, que non teño nin a máis mínima idea de ciencia!
January 23rd, 2007 at 12:55 pm
[…] Como nom tenho resposta às petiçons de informaçom ao senhor Omar Fall nom podo escrever muito mais sobre a nova aportaçom galego-senegalesa à longa história do móbil perpetuo. Para compensar a “estranha” desapariçom desse revolucionario inventor aquí tedes umha scolma dos precursores do “Mechanical Multiplier” […]
June 26th, 2007 at 8:00 pm
[…] Lembram o Mechanical Multiplier? A n-ésima máquina de movimento perpetuo, esta presentada na Galiza, vendida a umha empresa galega, e publicitada por todos os jornais. Nom se volveu saber… Na página web que registrarom falam dumha presentaçom na Alemanha, da que nom existem dados. Onde estam as publicaçons em revistas científicas que me prometerom num correio vai 5 meses? Vai umha semana mandei um segundo correio solicitando informaçom e dados para realizar um peer-review e nada, nom há resposta. […]
October 6th, 2007 at 5:41 pm
la ley de la acion y reacion a sido suspendido por el govierno aleman
October 16th, 2007 at 1:29 am
Fraudator multiplier”
Boas só queria escribirlles para que os interesados por este tema, que se queren mais datos detallados sobre oumar haydara fall, o inventor do multiplicador mecanico,que poden ir buscando nos periodicos de alamania por que lo ha revolucionado todo alli, deixando parte das teorias newtonianas por los suelos. En breves dias saldra la noticia por españa pues las televisiones y periodicos xa lle piden entrevistas. vo lo digo porque non se pode falar sen coñecemento de causa, E a volver a estudiar que vades quedar atras.
Nota.Sin ofender a nadie.
December 25th, 2007 at 1:08 am
[…] Nom fai falha repetir os argumentos, as Leis da Termodinámica seguem a ser as mesmas, igualque as da Quántica e a Mecánica. O fedorento artigo do tal Jose Luis Estévez louva a suposta revoluçom que causou o achádego na Alemanha -o que aquí escreve segue via internettrês revistas científicas alemanas, no campo da Física… - e o tópico/típico mau olho dos espanhois (sic) para aceptarem as inovaçons científicas e técnicas. A cousa é que nom existe referência a este ano tremendo que passou o senho Oumar Fall na Alemanha, aliás nom existe mais referência na rede, apenas os artigos analfabetos de El Pais, El Correo e La Voz. […]