Crónica dum achádego de Hazte Oir, Libertad Digital e dum pimpim chamado Elentir
26 August 2007A cabeça pequena que bota fora os seus demos no blog chamado "Contanto Estrelas " - surpresa! Blog em castelám, com conteudo xenófobo e anti-galego agregado na Blogaliza- descobriu onte que Murgia era um romanticista tardio, namorado da mitologia celtista da Galiza. Descobriu onte que a pessoa de um dos impulsores do Rexurdimento - fora da qualidade concreta da sua obra em galego- é objecto de estudo polos expertos galegos, e que o conteudo da mesma também. Achou surprendente que os estudos universitarios sobre essa pessoalidade incluam umha analise sobre a sua mitologia céltica, em forma de crítica literaria e nom ideológica.
Surprendido por esse achádego bule coma se tivera mistos no cú e publica a sua "investigaçom" - do nível das HINVESTIGAZIONES- no seu blog. Afirma que a "Xunta de Galicia" -governada por rojos-progre-nacionalista-etarras- defende na sua página web um "racismo celtista". Também publica o seu "trabalho" num foro de "patriotas antizp" -vou gastar as aspas-. Como "tem amigos" em pouco tempo o jornal digital Libertad Digital colhe a nova, mistura-a com EpC (!!) e já está na sua capa.
Mas a sua hinveztigacion tem buracos, que o autor nom acha importantes. Que Murgia é um autor do século XIX emquadrado no romanticismo tardio como outros autores de toda Europa, e que como estes centram a sua obra na mitologia primigénia das suas naçons nom importa muito. Que o texto que manipula...cita é umha análise contextual da obra de Murgia tampouco. Que está publica na web da Xunta dentro dum boletim de publicaçons académica é algo menor Que o texto está na página da Xunta desde 2004 -baixo governo de D.Manuel- tampouco importa muito... O autor do blog bule e apaga os comentários que falam dessas pequenas incoerências, e berra e vomita sobre um ataque das hordas marxistas-nacionalistas.
A conclusom? Que o tal Elentir é um homem pequeno, um pimpim, um animalinho de HO que cria conteudo para adubar o discurso espanholista-catolicista e anti-galego. E como sei que gosta do hino... é a definiçom perfeita dos imbéciles e escuros, feridos e duros.
chuzame -
August 26th, 2007 at 3:09 pm
Diario Oficial de Galicia
luns, 17 de xaneiro de 2000
III. OUTRAS DISPOSICIÓNS
Número do Dog:
10
Páxina do Dog:
619
Data da Disposición:
7 de xaneiro de 2000
Sección:
III. OUTRAS DISPOSICIÓNS
Organismo:
CONSELLERÍA DE CULTURA, COMUNICACIÓN SOCIAL E TURISMO
Rango:
Decreto
Título:
Decreto 2/2000, do 7 de xaneiro, polo que se declara o ano 2000 ano de Manuel Murguía.
A Real Academia Galega decidiu dedica-lo Día das Letras Galegas do ano 2000 a Manuel Murguía, figura fundamental do Rexurdimento, literato, historiador e periodista; a súa extensa obra contribuíu de xeito fundamental ó engrandecemento de Galicia.
Comezou moi novo unha prometedora carreira literaria que abrangueu varios xéneros como a novela, o ensaio, o xornalismo e a crítica literaria.
Desde o seu traballo de historiador propiciou unha renovación metodolóxica na historiografía de Galicia o cal sentará as bases do traballo científico posterior neste campo.
Considerado no seu tempo como unha das figuras máis senlleiras de Galicia, foi cronista xeral do reino e presidente da Real Academia Galega. Durante toda a súa vida desenvolveu un importantísimo labor de defensa da lingua e a identidade de Galicia, o que o fixo merecente dun posto de honra na nosa historia.
Na súa virtude, por proposta do conselleiro de Cultura, Comunicación Social e Turismo e logo de deliberación do Consello da Xunta de Galicia na súa reunión do día sete de xaneiro do ano dous mil,
DISPOÑO:
Artigo 1º
Declárase o ano 2000 en Galicia ano de Manuel Murguía, polo que debe constituír unha obriga para tódolos galegos participar na homenaxe debida a este insigne persoeiro da nosa historia.
Artigo 2º
As institucións públicas galegas, os centros de ensino, as bibliotecas, as asociacións e federacións culturais dependentes da Xunta de Galicia dedicarán unha parte da súa actividade a poñer de relevo a obra deste historiador, xornalista e escritor que tanto fixo polas letras galegas.
Artigo 3º
Como testemuño da homenaxe a Manuel Murguía, a Xunta de Galicia acuñará unha medalla conmemorativa de trescentos exemplares numerados.
Disposición derradeira
Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, sete de xaneiro de dous mil.
Manuel Fraga Iribarne
Presidente
August 26th, 2007 at 3:31 pm
[…] Visitando a página do Demo me Leve cheguei a esta noticia e, claro, a tentaçom puido comigo e tivem que entrar a ler o blogue esse do que falava. A pesares do que poida pensar muita gente, nom som nacionalista, inda que si defendo a cultura galega e, bom mais cousas. De todas maneiras, quando entrei a ler o blogue estava contento, mas a medida que avançava na lectura sim-me conta de que sentia-me mais agotado, canso e progressivamente de peor humor. Nom forom as opinions da gente o que me fijo sentir dessa maneira, foi a escasa (por nom dizir nula) intençom de utilizar a lógica e de ser fieis a verdade o que me produxo o cambio de ánimo. […]
August 26th, 2007 at 6:56 pm
enéndote á perfección Sentenciado…
September 7th, 2007 at 9:48 pm
[…] Hespanha esgota-me!!! Visitando a página do Demo me Leve cheguei a esta noticia e, claro, a tentaçom puido comigo e tivem que entrar a ler o blogue esse do que falava. A pesares do que poida pensar muita gente, nom som nacionalista, inda que si defendo a cultura galega e, bom mais cousas. De todas maneiras, quando entrei a ler o blogue estava contento, mas a medida que avançava na lectura dim-me de conta que me sentia mais esgotado, canso e progressivamente de peor humor. Nom forom as opinions da gente o que me fijo sentir dessa maneira, foi a escasa (por nom dizir nula) intençom de utilizar a lógica e de ser fieis a verdade o que me produxo o cambio de ánimo. […]