Santiago(é)Tapas IV
8 xullo 2008Onte por razons de horário, os locais que faltam na rota da Praça Roxa fecham os domingos, decidimos passar polos locais incluidos na de Praça de Cervantes para fazer umha ceia-tapa. Xorna falará de Lizarran e do Tránsito dos Gramáticos, os dous primeiros polos que passamos. Eu quedo coa Tafona do Peregrino e o Agarimo, polo que passamoshá uns dias para mirar depois a Feira Medieval-Perroflauta.
A Tafona do Peregrino (Virxe da Cerca, 7)
O primeiro que pensamos é que era destos estabelecementos que sabem aproveitar a pedra do coraçom de Santiago. Como as outras hospedagens em Virxe da Cerca o prédio é a própria decoraçom do lugar, o que já da um ponto positivo de ambiente. Do lado dumha das escadarias tinham umha mesa adicada ao concurso, com fotos dos pratos, os nomes e os preços. Por desgraça o serviço nom estivo nom foi do mesmo nível que o contexto: Um camareiro um pouco rosmom, que nom explicou as tapas nem se peorcupou muito de nós, e umha tardança enorme para as tapas, uns 15 minutos, que nom estavam justificadas polos poucos clientes nesse momento. Nessa espera decidimos que o factor tempo tem que ser determinante para umha boa tapa! Supom-se que tem que ser algo inmediato para tomar coa bebida, nom um prato polo que tenhas que aguardar.
Minininho de zorza
Rico,rico. A zorza, esse clássico das tapas e das raçons. Era umha zorza morna metida chocando num ninho de pasta de pataca sobre umhas reladuras de laranja. O tamanho da tapa é mai que aceptável , o contraste doce -crocante-salgado é um ponto positivo e bem levado. Pensamos que o único problema da tapa é um erro de desenho: O ninho coa zorça parece feito para comer coas maos (bem!) mas para comeres as reladuras de laranja tés que colher o talher... Ou umha cousa ou outra! Ou umha tapa é de “mao” ou é de “talher” mas comer em dous tempos é incómodo! Bom tamanho, sabor rico, um pouco incómoda, levou um 3!
Preço: 1,50 € <- Um dos preços mais ajeitados até agora!
Congro escabechado com miraveis e torrada de broa
Segunda tapa com miraveis que topamos neste concurso. Eu pessoalmente gosto muito do peixe, e o congro nom é algo que vexas muito nas cartas ultimamente, e menos nos petiscos. Já é umha questom da infáncia, mas eu tenho especial apreço por este pescado -lembro ir com umha tia segunda minha à lonja de Malpica e... bom, essas som outras histórias- e para mim é umha boa ideia aproveitar as suas possibilidades para este concurso. O problema da tapa é o pam, que parece azeitoso mas é mui farinhento e seco na boca. Isso sim, visualmente é bonito e também singelo de comer (Porém, pinga um pouco). E levou um 3!
Preço: 2,50€
Pimento baby recheio de escuma de salpicom sobre triscante de amorodo
Esta foi da que menos gostamos, e é umha magoa porque era a mais elaborada. Mas as boas ideias nom sempre calham bem com o formato das tapas! A cama de crocante era incómoda de comer, e pegava-se muito na boca*. O recheio do pimento calha mui bem com esse crocante, mas há mui tampouco e cos dentes pegados é dificil saborear bem. O único ponto possitivo é que é bonita... Sentimo-lo, mas estivemos discutindo bastante tempo e ao final levou um 1 definitivo quando reparamos que era a tapa mais cara e a menos satisfactoria até o de agora.
Preço: 3,00 €!!!!
O preço total (cá tomamos duas augas, garrafa das medianas) foi de 9,00€.
*P.D.: Tanto pegou que hoje no dentista confirmei as minhas suspeitas: Rompeu-me a cúspide dumha moa!
chúzame -