Category: Ceptismo e Ateismo

Volta ‘Sindioses.org’

sindioses

Volta Sin Dioses umha das páginas de ceptismo e ateismo em castelhano mais completas e recomendáveis.

Fraudator multiplier

É umha magoa passar dos peitos galeguíssimos de Ana Maria a um fraudador com apoio mediático.

Vai dous dias apresentou-se em Santiago de Compostela um fraude que supera o nível doutros “grandesinventos (mais, e mais, e mais) da História da Humanidade, ou isso ou umha conha do pau do clássico gerador automático de artigos o do escándalo Sokal. O Mechanical Multiplier

No dossier de Prensa nom fica mui bem explicado o aparelho. Segundo A Voz melhoraria a eficácia ou “rendimento dos sistemas mecánica”, e se consultamos a cronologia seica pode criar elećtricidade…”canalizando a energia da gravidade”. O dossier é já umha escolma de despropósitos:

  • “El mecanismo que se presenta es una reproducción de la estructura simplificada del átomo a nuestra escala, donde, las interacciones de las fuerzas internas con la fuerza gravitatoria terrestre cambian las predicciones de la Física Newtoniana y, en consecuencia , la base de la Dinámica” : Primeiro, a estrutura do átomo é um modelo. Melhor dito, som varios modelos. A ideia clássica que apresenta o átomo como um sistema solar minúsculo com o núcleo no centro como um sol e es electrons gravitando ao seu arredor é um modelo ultrapassado pola Mecânica Quântica e que só se emprega como sistema didático. O modelo quântico é um mapa da probabilidade de “topar” as particulas/onda constituintes num ponto (isto é também uma simplifcaçom)… um mecanismo físico a nossa escala nom pode representar um mar de probabilidades, ou comportar-se como umha partícula quántica pois as propriedades das partículas microscópicas estam limitadas a essa mesma ínfima. Cousa diferente é que algumhas dessas propriedades “emergam” ao mundo macroscópico em fenómenos observáveis. Segundo: As forças que agem coas partículas no átomo e criam as suas propriedades( As forças nucleares forte e fraca) nom se manifestam fora deste, e a gravidade é quase nula na escala atómica.
  • “… la gravedad (estudiada y aceptada aunque desconocida con respecto a las otras fuerzas) ( … ) Esta demostracion empírica, basada en el equilibrio de un sistema” A Voz engade ” se basa en la canalización de la fuerza de la gravedad de tal manera que la energía producida no sea la misma en todos los casos, generando diferenciales que pueden ser empleados para mejorar el rendimiento.” Primerio: É certo que a Gravidade é a Força Fundamental mais desconhecida, e que se resiste a adaptar-se às teorias que incluem às outras forças. Embora temos umha cousa segura: a Gravidade é umha força conservativa. Os campos conservativos tenhem a propriedade principal de seu trabalho nom depender do caminho seguido. Se umha partícula vai de A a B baixo a força da gravidade o trabalho é o mesmo se imos direitamente, por um caminho curvo ou passando por um terceiro ponto C. Nom há jeito de ganhar energia ligando efeitos gravitatorios, a soma será zero sempre (num ciclo fechado). Segundo: Dos sistemas em equilíbrio, dos que fala o dossier, nom se pode sacar energia sem romper esse equilíbrio.
  • O artigo fala da aplicaçom das geometria nom-Euclidea… como um recurso estético proprio de umha novela de Lovercraft. A Relatividade basea-se numha geometria nom euclidea, mais vai acompanhada do trabalho de décadas de matemáticos e físicos excepcionais…
  • O dossier vem decorado com esquemas mudos (sem indicaçons do que representam) e que nom correspondem com as representaçons esquemáticas dos sistemas nom-euclideos.

Poderia seguir, pero seria perder o tempo. Levo dous dias procurando informaçom sobre o tal Oumar Haidara Fall em publicaçons científicas, revistas, listagens de artigos remitidos a universidades…. rem, nada. Se a máquina do tal Fall funciona como ele di teria que vir acompanhada dumha morea de trabalho de investigaçom para ultrapassar a meirande parte das teorias da Mecânica, a Quântica, a Termodinâmica e a engenheria aplicada…. nom existe nada. Tampouco há referências a dados e mediçons que avalem o funcionamento do aparelho. Um trabalho dessa natureza nom passa da teoria (que nom existe) até a aplicaçom pratica (que tampouco existe) em 13 anos… sem deixar traças nos círculos científicos e técnicos.

Quero pensar que todo isto é umha brincadeira argalhada para ridiculizar a desinformaçom e a incultura científicas dos jornais e medios de comunicaçom. Todo o material que tenho sobre o tema é tam ridículo que a única saida lógica e esta. E como dixo umha jornalista com algo mais de seso: “Se é um achádego tam importante e tam revolucionario… que é que o apresentam em Santiago de Compostela?”.

Nota: Preferia ter mais fotos de galegas feitinhas dando que falar às velhas…

Novas:

Sobre o tema de máquina que tenhem um rendimento superior ao 100% Randi Diz:

This, as any child in high school is aware, is known as the Law of Conservation of Energy, a finding that has probably been tested, proven, looked into, held up to close examination, and thoroughly established again and again, more than any other basic law of the universe. Consider: if just one exception to this law were ever found, it would turn the scientific world upside down, and would reverse the millennia of discoveries about how things work.

Como todos, nom perder este artigo de Randi, que trata outro fraude de “energia gratis”

Para seguir co ridículo Berto achega a patente do aparelho: Nom é mais que umha cambota, um relé…

Mais sobre o “invento do século”

La estampita Energético em Verbascum

Xornalismo serio, opinion independente em Dias Estranhos

Que diram…

O processo de ‘galeguizaçom’ dos nomes e apelidos está, desde o meu ponto de vista, irmanado coa solucitude de apostasia da seita católica.

No eido sentimental distam muitos de ser iguais: Quem solicita a apostasia já está delsigado dabondo da influência nociva da Igreja como para sentir apego pola sua condiçom nominal de católico, mais o nome (deturpado) está presente cada dia na vida do individuo, resulta impossível rachar co sentimento direito pola sua forma “de nascemento”. As verdadeiras ligaçons entre ambos passos de coerencia pessoal, pois isso som, som as dificultades adminsitrativas, sociais e familiares que agardam no caminho do que solicita repeito pola sua escolha. Ambos os dous processos som longos, burocráticos, contra a vontade da instância na que se presentam e nunca obterás facilidades da administraçom. A meirande parte da gente desistirá da idéia ao comprovar que a sua vontade nom se respeita e que importa mais a ideologia ou o auto-odio do funcionario correspondente. Pero mais gente recuá quando pensa no seu entorno social e familiar: Renegar dumha fe vacia e imposta, ou fazer concordar o nome co uso e a tradiçom nom está bem visto. Numha sociedade de uni-bipartidismo, bilinguísmo superarmónico, religiom na escola, e “para que molestar(-se)”, as duas tentativas qualificam-se de “radicais”. E mais duro é, à vista daqueles que nalgum momento cavilam a opçom de apostatar ou galeguizar o seu nome, o possível reagir da familia, sobretodo dos velhos. ‘Que dirá a avó, ela que é de misa diaria?’ , ‘Que pensará o meu pai? É o seu apelido!’, ‘Que pensará a minha nai? Ela escolheu o nome?’… Até que ponto umha pessoa adulta, consciente dabondo da situaçom da sua lingua e do seu pais depende dos outros para determinar no que acredita, a lingua que fala ou como escreve o seu nome? Coido que se alguem considera que essas decisons ‘faram dano’ às pessoas que quere tem que pensar mais no tema: Cada passo que de um individuo em liberdade para ponher em concordÂncia a sua maneira de pnsar coa sua vida é um sucesso e umha alegria para os que o amam.

Euapostatei quando comprendim que a minha filosofia, as minhas crenças (nom-crenças) som da minha responsabilidade, nom supeditadas ao que acredite qualquer outra pessoa. Fizem a promessa a mim mesmo que legarei aos meus filhos (se tenho, e a minha parelha concorda) o meu segundo apelido (Chouzinho/Chouciño) que é mui minoritário, e que antes de 2011 (quando vence o meu documento de identidade) terei-no  galeguizado(é por ponher um praço). Dalgum jeito, dar o passo da apostasia fizo muito mais rápida a decisom de galeguizar o meu nome (mais ainda estou recolhendo infomaçom, e com um apelido pequeno é difícil ter bibliografia e registros.)

Mais informaçom:

-Artigo em Caminhos Cruzados.

Atualizado:

-Segundo a ILGA na Galiza há 511 “Chouciños” na Galiza, mais da metade so em Malpica de Bergantinhos.

-Segundo o INE em todo o estado espanhol há pouco mais de 600 “Chouciños”

Atualizado:

Por curiosidade, o apelido menos comum dos meus pais é “Guillemette”, 14 na Galiza mais o INE so fala de 17… a cousa fica na familia direitíssima.

Mais:

Sheamais passa-me umha página da listagem de apelidos galegos da AGAL:

chouzinho.jpg

Números

sodoma

Fraga dirá que forom excessos, pero que melhorou a economia.

Também em:

E feliz Solstício de Inverno!

Mapas

Via Chuza! chego a este blog onde referem a umha página de mapas re-escalados em funçom de muitos parámetros. Ele compara os mapas dos importadores e exportadores de brinquedos, o qual dai umha imagem mui boa. Por algumha razom outra imagem comparada coa primeira referida causou-me muita impressom:

Importaçons de brinquedos:

brinquedos.jpg
Mortes por cólera:

colera

Certo que este artigo no Diario Ateista ajuda a comprender algumha cousa.

Balagueritos

De verdade ler estas cousas da-me muita apreensom.

Nom so estamos falando de gente que esparege as ideias assassinas da Igreja Católica, responsáveis de milhons de mortes, e que mutila a sua sexualidade no altar do seu deus cristiano obsesso co sexo… e que como tópicos com patas vam picando os condons…

Que alguem tenha um pouquinho de caridade e lhes bote um bo polvo…

Recomendando…

Recomendar este artigo no Diario Ateista sobre a relaçom da Ciência e a fe.

(..)o real não tem qualquer tipo de conflito com o imaginário. O conflito surge quando alguém argumenta que uma fracção do seu imaginário faz parte do mundo real.

Um dez!

Shelley & Tristan os cientistas

Ei-la minha traduçom ao galego do artigo que referia vai dous posts. Se depois disto alguem pode achegar provas de que esse blog nom é umha conha… terei muito medo.

Se de verdade há gente que pensa assim nos EUA, ou melhor, gente quem de empregar um computar e escrever e que segue a pensar assim… terei muito meto. Mais já sabemos quem manda nesse pais…. pero tanto tópico teista junto… nom nom pode ser.

_________________________________________

Ciência: Porque funciona como a ditadura de Saddam?

Qual é o problema coa ciência hoje? Aprenderom-nos que o trabalho da ciência é descobrir os detalhes da criaçom de Deus e inventar bos produtos pero consumidor americano, mais que acontece com couas como o aborto, o neo-Darwinismo e a absurdamente falsa cosmologia do Bing-Bang . Como podem estas teorias beneficiar à humanidade quando contra contradizem explicitamente a verdade da Biblia? Nada bom pode vir das idéidas que apartam às gentes da verdade de Deus.

Hoje somos muitos os americanos que percevemos que o funcionamento das instituiçons elitstas que descidem o que é ciência e o que nom é imita mais ao da ditadura islamofascista de Saddam Husseim que a umha sociedade democrática.

[Pé de imagem: Os cientistas defendente que tenhem um processo chamado “revisom polos iguais” que lhes ajuda se decidir o que é verdadeiro e o que nom é. A base deste processo consiste em um grupo de auto-denominados expertos organizados imitando a um politburo soviético moderno. . É seu trabalho é aprovar a “ciência” que cumpre s com os objetivos políticos de seus mestres ideologicos de extrema esquerda. ]

A mairia dos críticos concorda com que Ciência está funcionando tremendamente mal. A sua missom original pervertiuse e agora so tenciona desafiar a Deus, ou ainda pior negar a existPencia de Deus. Porque a comunidade científica renega de Jesucristo, fundador do moderno pensamento racional e base todo o que bom na Ciência? A resposta é singela: Há umha malvada consipiraçom ateia que tenciona excluir o ponto de vista cristiam do trabalho científico.

Mais nom cumpre que acreditem nas minhas palavras, so tenhem que escuitar o que di o ateista e inimigo de Des inglês Richard Dawkins que escreve: ” Um estudo sistemático de Benjamin Beit-Hallahm achou que entre os premiados nos Nobel científicos, assim nos de literatura, existe um grao de irreligiosidade muito mais alto do que nas suas comunidades de origem”.

Continua “Um estudo na afamada publicaçom Natura por Larson e Witham de 1998 amosou que daqueles cientistas americanos considerados eminentes avondo como para ter sido elegido membro da National Academy of Science (equivalente a Royal Society na Grâ Bretanha) somente um 7 per cento acredetavam num deus pessoal. Este valimento da minoria ateista é justo o oposto do perfil da populaçom americana, onde perto do 90 per cento acreditam nalgum ser sobrenatural.”

[Pé de imagem: Quem é Richar Dawkins? Richar Dawkins é um ex-prefessor da Universidade De Oxford (inglaterraa). Foi expulsado porque as regras da universidade requerem a toda a equipa de funcionarios ser cristinanos, porém Dawkins é bem conhecido polo seu odio a Deus. Dawkins tivo certa notoriedade quando nos 60 escreveu livro acientífico, “O Gene Egoista” no que espeta que a natureza pecaminosa do homem é insalvável pois todos posuem um gene para o egoismo. A maioria dos cristians rejeitam essa teoria pois a Biblia diz que Cisto morrou para nos salvar de todos os pecados, incluido o egoismo.]

Como vedes mesmo os cientistas admitem que já nom refetem a sociedade que financia o seu trabalho. A A ciência transformou-se um processo completamente antidemocrático, sem ligaçom com America. Em conseqüência, está produzindo resultados errados que podem ser facilmente refutados por qualquera com um conhecimento mínimo da Biblia.

Se se soupera de algumha outra área do sector público tam desviada do esprito de America seria umha vergonha nacional. Imaginam se a Casa Branca ou o Departamento de Justiça recusasse empregar cristians? Se a Academia Nacional das Ciências refletisse verdadeiramente as necessidades de América entom necessitaria ser cristiá num 90%. Nom se pode permitir aos cientistas discriminar à maioria do pais!

Felizmente, a nossa administraçom republinaca trabalha para amanhar esta situaçom. George W. Bush tem designado pessoalmente expertos tanto Ciência e no Cristianismo para importantes postos científicos. Estes agentes asseguram que as nossas instituiçons científicas ponham monstrem umha imagem mais moderada, melhor que a mensagem exclusivamente secular promovida polo partido democrático. Como sempre, os liberais tentaram frustra o nosso bom trabalho.

Vai um ano a comunidade científica liberal sentiu-se ultrajada quando escuitarom que o novo demócrata Republican George Deutch aconselhava à NASA sobre alternativas à Teoria do Bing Bang. Que tem isso de malo? Os cientistas teriam que aceitar que essa teoria pode estar errada. A Ciência nom pote ter a mente um pouco mais aberta? Coidam os cientistas que som mais inteligentes que Deus?… alomenos isso é o que aparenta.

Mais já podemos contar algumhas vitorias. Por ejemplo, umha recente publicaçom do Discovery Institute pode mercar-se na meirande parte das tendas de agasalhos perto do Gram Canhom. Muitos libeiras pensam que foi criado por um processo de erosom que levaria muitos milhons de anos. Mais a Biblia demonstra que a nossa terra e muito mais nova do que esses geologos de palla pensam. A publicaçom de Discovery explica como o Gram Canhom nasceu da enchea de Noe e emprega citas bíblicas avondo comopara afundir essa importante teoria científica.

Os cientistas adoitam reagir mal quando alguem tenciona um achegamento equilibrado que presente as duas teorias sobre a origem do Gram Canhom, mais nós como Republicanos temos a obriga de restaurar a Democracia no processo científico. Que pode ser melhor para a Ciência que aceitar as verdades comuns e universais da Biblia?

Vosso em Cristo

Tristan J. Shuddery

________________________________________________________

Alucinando

Estou completamente alucinado por esta entrada no afamado blog Shelley The Republican. Saltara esta página à fama internacional nom vai muito por um artigo sobre o satánico-inimigo-de-america-e -comunista Linux (versom em isolino no Gug). Agora continua coa sua “cruzada” falando da Ciência e dos cientistas, esses malvados apartados de Jesus… Ainda estou secando as bagoas do riso. Se depois de esta série de argumentos circulares, topicos integristas e sátira anti-americana alguem pode duvidar de que esse blog é umha brincadeira… colho medo.

(Se tenho tempo passo ao galego, que vem paga)

Nota: Nom vos perdades como edita o meu trackback :

 

[comments edited for being in an unAmerican language, hateful to jesus]

Todas iguais

Todas

as

religions

som

violentas

Por muito que diga Bento XVI, ou qualquer outro chefe ou seguidor dumha religiom, os deuses so querem umha cousa: Sangue.