Archive for 'Ciência' Category
Erros de cálculo
4 July 2007Canle: Radio Galega
Programa: “Un día por diante"
Data: 04-07-2007
Feito:
Presentadora1: Pois umha dieta milagre é a dieta do spaguetti. Esta promete umha perda de cinco kilos em só umha semana.
Presentadora2: "Dios mio"!
[...]
P1: Outra dieta sem fundamento é a do Iogurt. Ainda mais rápida que a anterior.
P2: Mais rápida?
P1: Sim, esta promete umha perda de dous kilos em cinco dias.
Nota: Polo demais um programa excelente, no que informarom do perigo das dietas milagre, a iniciativa do ministério de Sanidade e falarom com um catedrático (coido que de medicina) sobre o tema.
chuzame - Umha história de Ciência I
30 June 2007No post anterior comentei que a história do primeiro grande achádego de Pasteur é umha boa mostra da falacia da autoridade. Lembremos que para muita gente, na sua vida cotiá, as afirmaçons dumha pessoa que conta com certa autoridade num tema tenhem certo valor inicial -antes dumha comprovaçom dos feitos direita- sobre o de outras pessoas menos respeitadas. Na Ciência, ou alomenos na praxe correcta da Ciência, isso nom acontence: Nom importa a fama ou a qualidade como investigador e cientista dumha pessoa, as suas afirmaçons tenhem que passar as mesmas provas e nom tenhem um credo superior. Assim que aquí tedes umha pequena história, que contem algum dos principios lógicos da praxe da ciencia (e nom só a falácia da autoridade)
Capítulo I: Os diamantes do vinho e a importáncia de publicar.
O começo desta história é o vinho e temos recuar uns quantos séculos, até o IX. Quando desarrolhamos umha garrafa podemos topar uns pequenos cristais na cortiça, muita gente pensa que provenhem dumha fenda no cristal da botelha, mas som completamente inofensivos e parte do processo normal de fermentaçom. O primeiro precientista que estudou esta substancia foi جابر بن حيان, Abu Musa Jabir ibn Hayyan ou como polo seu nome na esfera ocidental: Geber. Este químico primitivo descriviu nos seus escritos - tam escuros e emburulhados que em inglês forom umha das possíveis origens do termo "gibberism"- a aqua regia -umha mistura de ácido nítrico e clorídrico, umha das poucas substáncias que podem dissolver o ouro e a platina- , o ácido cítrico - o dos limons- o ácido acético -do vinagre- e o ácido nítrico. Estudou também o vinho e descubriu que ao ferver desprendia umha substáncia mui inflamável -anos despois Al- Razi identificou esse vapor como o etanol moderno- e trabalhou também sobre esses cristais e a lama do mosto fermentado. Assim topou um novo ácido: O ácido tartárico.
A verdade é que Geber nom fixo muito mais co ácido tartárico, e as suas descobertas ficarom ocultas polo mente de parvadas místicas que asolagava os seus textos, a pouca seriedade experimental dos seus processos e código no que redigia os seus textos. A Ciência tivo que aguardar mil anos a que o químico sueco Carl Wilhelm Scheele o sintetizara pola sua conta. Scheele é um desses cientistas de nome pouco conhecido que reafirmam um axioma da vida científica: "Quem publica antes leva a fama". Isolado numha vila da Suécia, e cento per cento autodidacta, descubriu o oxigénio um ano antes que Lavoisier - o bem chamado "pai da Química", se o padrinho é Buffon- e o nitrogénio antes que Joseph Priestley, mas publicou o seu "Chemische Abhandlung von der Luft und dem Feuer" ( Tractatum Químico sobre O lume e o Ar) dous anos tarde. Ergo a fama foi para os outros dous. Isto pode parecer pouco justo, embora seja umha práctica fundamental da Ciência, e contra o que alguem poida pensar nom tem nada que ver com patentes ou "direitos de autor".
Tanto Geber coa descoberta do Ácido Tartárico ou Scheele co oxigénio e o nitrogénio nom levam a "fama" dos seus achádegos por umha singela razom: Nom forom tal. Em Ciência nom há novo conhecimento se nom há comprovaçom polo resto da comunidade. Geber foi umha mente genial que sentou as bases de muitos dos processos químicos que fundamentam a Ciência moderna, mas foi um personagem escuro e escurantista, levado pola pseudociência da alquímia. Acochou as suas descobertas baixou umha capa de códigos e linguagem pessoa e nom compartiu o seu conhecimento, nom permitiu a outros cientistas repetirem as suas experiências e confirmarem os seus inventos. Scheele cometeu o mesmo "erro", limitado polas geografia e as comunicaçons da época, mas o mérito de Lavoisier e Priestley é completo: Na Ciência de verdade é tam importante o feito do achádego como a comprovaçom polos iguais.
Manha mais.
chuzame - Profecias de Newton
29 June 2007Esta semana chuzarom umha "nova" sobre umha suposta prediçom da apolipse por parte de Newton. A verdade é que este tema da para varios comentários, o primeiro deles é que Newton nunca escreveu tal. A carta de 1704 é o chamado "Manuscrito Yahuda", escrita por Newton sim, pero no que nom pronostica a fim do mundo. Este é o texto:
Assim que os três tempos e medio som 42 meses ou 1269 dias, ou três ano e medio, sendo de doze meses o ano e de 30 dias o mês, como no calendário primitivo. E os dias das bestas de curta vida sendo os anos dos reinos existentes, o período de 1260 dias, se datamos desde a conquista completa dos três reinos [francos ] no 800 d.C., rematara para o 2060 d.C.. Pode rematar depois, porém nom vexo razom pola que rematará antes. Menciono isto nom para asegurar quando será o tempo da fim, senom para deter as conjeturas de homes fantasistas que com frequência predim o tempo da fim e assim desacreditam as sagradas profecias quando as suas próprias caem. Cristo vem como um ladrom na noite, e nom nos deu a saber os tempos e as jeiras que Deus deitou no nosso peito.
Isto... sou eu ou o texto diz todo o contrário que a nova nos jornais? Newton, um homem crédulo e interessado por todas as parvadas alquímicas e místicas da época, empregou as escrituras da sua religiom para desacritar os centos de mafugos versom século XVIII que prediziam para cada dia da semana a fim do mundo. O "argumento" é que de seguirem a doutrina cristiá estes profetas nom ponheriam a data límite antes do 2060. O seu cálculo é umha caralhada, por diversas razons nunca bem descritas situa o início do cómputo na unificaçom dos regna francos de Austrasia, Neustria e Burgundia logo da caida dos Merovíngios e joga coa "metáfora" dos dias por anos e anos por dias para interpretar os contos bíblicos. Embora segue a ser um praço mínimo, ele mesmo escreve que nom tem razom para pensar que a data da fim será essa.
E sempre temos que pensar que nom existe o "principio de autoridade". Isso é umha falácia pre-científica que o pai do pensamos racional -ergo pai do nosso mundo- Francis Bacon denominou como os "ídolos do pensamento". Newton foi umha autoridade na mecánica nom pola sua pessoa, senom polo sucesso da sua teoria para a mecánica celeste e a gravitaçom. Que Newton/Aristóteles/Einsten afirme algo nom aporta um valor extra no processo da epísteme - a razom pura- pois a sua afirmaçom tem que passar pola mesma comprovaçom formal. As profecias místicas e os poderes dos adivinhos nom tenhem ninguem valor, pois nom funcionam e nom efectuam prognoses reais, que Newton fixera horas de agoureiro nom engade prestígio algum.
Falarei mais da falácia de autoridade no seguinte post, coa história de Pasteur "contra" Misterlich e Biot.
chuzame - Fraudator Multiplier: Seis meses sem nada novo
26 June 2007Lembram o Mechanical Multiplier? A n-ésima máquina de movimento perpetuo, esta presentada na Galiza, vendida a umha empresa galega, e publicitada por todos os jornais. Nom se volveu saber... Na página web que registrarom falam dumha presentaçom na Alemanha e fevereiro, da que nom existem dados. A patente da máquina segue no registro, como outras tantas parvadas da história. Onde estam as publicaçons em revistas científicas que me prometerom num correio vai 5 meses? Vai umha semana mandei um segundo correio solicitando informaçom e dados para realizar um peer-review e nada, nom há resposta.
Alguem viu nos jornais (El Ideal, La voz...) algum comentario ou umha disculpa para os seus leitores por falar dessas parvadas?
P.S.: Mete medo ver as minhas dotes de prognose.
chuzame - Analfabetismo de concurso
26 June 2007Canle: A Galega
Concurso: "A polo bote"
Data: 26-6-2007
Feito:
Presentador: Qual é o componhente principal do ar?
Concursante: Dios... H20?
[...]
P: Pero ti qual pensas que é?
C: O oxigénio, nom?
P: Entom a tua resposta é?
C: Nom sei, H20.
P: Pero se dis que é o oxigénio porque dis o hidrogénio?
C: Entom oxigénio.
P: Di-o bem alto!
C: Oxigénio!!
P: Bem! Correcto! Levas o bote! [...]
Notas: O componhente principal [ (1) Que está em primeiro lugar. (2) Fundamental, essencial.] do ar é o nitrogénio ou azoto. A fórmula H20 corresponde ao componhente químico inorgánico monóxido de hidrogénio, conhecido como auga ou água. O elemento químico hidrogénio nota-se como H. O elemento químico oxigénio nota-se como O.
Pergunta: Quem é mais parvo? O concursante, o presentador ou os que escreverom a pergunta e a resposta?
chuzame - Máquina de somar binária… e de madeira!
22 June 2007Há gente neste mundo que nasce com umha habilidade incrível e umha grande imaginaçom. E graças a internet podemos desfrutar das suas criaçons. Chimpando polo youtube topei este vídeo:
É umha máquina de somar binária, contruida em madeira e que emprega um sistema de válvulas igualinho -em conceito- ao sistema da primeira computadora. Pensade que o aparelho co que ledes este blog é pouco mais que essa caixa de madeira...
+ Mais inventos e construtos do rapaz.
chuzame - Jornalismo irresponsável: A Antenofobia
21 June 2007 [Entrada escrita em quente, mui em quente]
Por razons da conexom -nom sei que caralho passa- nom podo comentar em Vieiros. E logo de ver esta "nova" é fodido ter que calar. Como podem ser tam irresponsáveis? Para mim vieiros é um media de referência, pero depois desse artigo e dessa publicidade gratuita para os magufos de moda perderom muitíssimos pontos.
O mesmo acontece com ADEGA. Eu admiro o ecologismo, e coido que me podo considerar ecologista. Porém nom podo secundar umha parvada de tam grande nível, a defesa do ecosistema e o equilibrio na natureza tem senso porque a Ciência amosa que os atentados contra a Terra ponhem em perigo todo o sistema complexo de vida. Pero para sabermos que é um perigo para a natureza precisamos -como em todo- da guia do método científico e da racionalidade. Quando associaçons como ADEGA seguem campanhas como a da ligaçom perdem todo o prestígio e para mim deixam de existir. O seguinte passo é denunciar a "contaminaçom psíquica" criada por um cárcere ou pedir que se alinhe o traçado da cicade coas linhas do chi. Parvadas ningumha!
Tam inconscientes como os ecologistas que nom consultam e que presuponhem que cualquer cousa precedida pola palavra "contaminaçom" é digna de ser defendida som os jornalistas que permitem que afirmaçons analfabetas como essas cheguem às massas. É irresponsável meter medo à gente quando os estudos, a Ciência e o senso comum e a investigaçom demostram que essas pantochadas tenhem base numha procura interesada de benefícios económicos por parte dalguns grupúsculos. A falta de formaçom científica da meirande parte dos trabalhadores dos media tam muita culpa... e para isso tenhem aquí material abondo:
-Informe da Organizaçom Mundial da Saude.
-Informe do UE Scientific Steering Committee
-Informe de AECC, avalado pola OCU e o Colegio Oficialde engenehiros de telecomunicaçons.
-Informaçom dos mueseus científicos corunheses
Que a Ciência demostrara que os efeitos dos campos E-M sobre a saude humana nom som mais perigosos que os da meirande parte dos milheiros "cancerígenos potenciais" que existem -desde o prástico do ordenador onde escreves até a madeira tratada sobre a que estas sentado- nom importa para os magufos que se aproveitam do medo da gente, os ignorantes bem-intencionados que seguem essas parvadas e os jornalistas incultos que dam publicidade...
Nos 70 eram as antenas de AT, nos 80 os microndas, nos 90 os ecrans dos computadores, e agora a wi-fi e os telefones...
chuzame - Piada Física II
10 June 2007
Para que publicar um quadrinho que vai entender o 0,1% da gente?
chuzame - Piada Física I
10 June 2007Isto passa logo de estudar quántica muitas horas seguidas...
chuzame - Mais pseudo-ciência em Cuatro: Braniac
26 April 2007Queria fazer um artigo sobre a parvada de programa que a canle espanhola oficial da pseudo-ciência "Cuatro" vende como "Programa científico", pero tanto em Malaciencia como em El retorno de los Charlatanes dam-lhe umha boa malheira.
chuzame -