O demo me leve

Archive for 'Espanha me mata' Category

20 de julho de 2007?

21 xullo 2007

O título do comunicado de prensa de El Jueves nom pode ser melhor. Estamos no século XXI e ainda vivimos baixo um sistema que considera que umha familia - de indivíduos com consideráveis taras genéticas e eivas mentais froito de séculos de endogamia- tem um poder divino e preter-natural que os converte em representantes eternos do resto dos cidadans. Espanha é um pais onde um individuo -e os seus descendentes- encarnam umha instituiçom de governo sem ser elegidos polos cidadans.

Espanha é umha monarquia e só é umha "democracia" de nome, e nom de facto. Os espanhois e o resto de povos baixo o estado espanhol levam 30 anos enganados, acreditando nas mentiras de quem protegem e justificam a continuidade dum personagem escuro e sinistro, que jurou os principios dumha ditadura fascistas e que nom mudou de idologia em três décadas. Espanha é o feudo tercermundista dum eivado cromosómico, inculto e lacazám. E os políticos e os juices cuidam de que os direitos dos espanhois nunca cheguem ao nível do chefe da casa dos gandulhos e a sua prole de nugalhans. Juices que vivem na idade meia e pensam que podem evitar a difussom dumha imagem que só contem verdade: O principe Felipe nom trabalhou na puta vida e cubrir à matriz com patas -porque para eles pouco importa o resto de pessoa que há, ou havia, arredor do órgano de cria de Bourbons- para encher o mundo com novas geraçons da sua caste de sanguessugas é o mais parecido a um trabalho que fara na sua vida.

Del Olmo, censura-me, paspam.

chúzame -

Iberia…

18 xullo 2007

[Premer para mais grande]

chúzame -

‘Enrique Castro me cae mal…’

2 xuño 2007

Nom acostumo mirar blogs políticos, e menos blogs espanhois. Mas agora que colho umha noite de folga no meio dos exames quero fazer umha pequena resenha sobre a manipulaçom (cecais eleitoral) dum personagem santiaguês de afiliaçons super-obreiras e super-socialistas.

O raparigo é o Enrique Castro, "afamado" -pensa ele - blogueiro e psoeista da cidade de pedra, que leva um currinho blog-plataforma publicitária - como todos os blogs, nom? - e seica é bem conhecido nas chamada "red progresista" (rede progressista), da que nom forma parte; e melhor conhecida na "rede de blog socialistas", na que dim que leva o vimbio... Nom tenho muito interese nas androfagias e cainismos do partido espanholista suplente e dos seus seareiros, mas acho bem engraçadas essas liortas entre pseu-socialistas. Semelha que até os seus correligionários conhecem a sua ânsia de protagonismo...

Bom, olhade que o Castro nom podia estar mais afastado do interese deste blog e deste blogueiro, sendo ele um exemplo vivo de pessoa pequena. Porém esta pequena anotaçom nasce logo de comprovar cos meus olhos o curioso comportamento do rapaz em duas webs 2.0. Logo das altercaçons na sede eleitoral do PSOE em Compostela durante (ou mesmo logo) dumha manifestaçom da Coordenadora de Assembleias este homem publicou um esforçado, comovente e impressionante relato no seu blog; mesmo parecia um jornalista de guerra. Fora de eu condenar por completo o comportamento desses manifestantes -e considerar que a Coordenadora de Assembleias está agora nas mans dos quatro micos de sempre, que suprem a sua falha de representatividade estudantil com tempo (o que nom tenhem para sacar as carreiras) e fanatismo- estou seguro de que o acontecido esse dia dista tanto das crónicas revolucionarias-patrióticas dos irresponsáveis de AGIR como do relato bélico do milheirám de meia volta.

A cousa é que o Enrique nom tardou muito em enviar umha nova de El Correo a Chuza! e a Meneame. Isso nom é condenável perse, como protagonista -que nom vítima, polo que contam, nos comentários de chuza, ele ameaçou tanto ou mais que os cabras dos exaltados estudantes- pode tentar informar do tema. Contudo o jeito de redigir o corpo e o titular das novas é só comprensível quando o redactor tem umha imagem bem enviesada do acontecido, e já nom falo da escolha do media ao que liga a nova. Nom obstante nom foi mais sectario que muitas novas enviadas a essas duas páginas excelentes. A meirande parte de nós nom somos jornalistas, e menos neutrais. Nom a questom é outra: A manipulaçom dos comentários do seu blog para construir um bom substrato para o seu discurso vitimista.

Quando nos comentários de chuza comentarom sobre a artística crónica do seareiro socialista no seu blog visitei a página e comprovei com estes olhos -empirista sou- a hipérbole como ferramenta política a poucos dias das municipais, cousas. Mirei os comentários nessa entrada e topei o normal presença de discursos inflamados polas hormonas, cos "espanholista" "feixista" e "blablabla" obrigados neses casos -som coma nenos, já sabemos todos- seguidos dos clássicos pêsames, condolências e condenaçons -sim, espanholistas- contra o nacionalismo mau mau mau.... a situaçom típica quando topam dous blocos de exaltados... mui típica, mui tópica... de mais. Enviei um comentário para expressar a minha condena a esses actos violentos, junto com umha crítica para o conto de choromicas do senhor Castro -sem empregar essas palavras, todo mui educado, confiade-. Logo de premer o botom de "enviar" descubrim que era um blog com moderaçom dos comentários -bem, perfeito é umha boa ideia, se tés muitos trolls- e como o meu envio era bem pensando e nada exaltado coidei que nom teria problema para criar umha conversa civilizada -iludido e iluso sou! E com pouca memória, agora lembro comentários que escuitei blogomilho adiante sobre as actitudes deste ghicho-. Coido que o dia seguinte visitei de novo esse blog e comprovei que a entrada nom estava publicada, e outras nos dous extremos passaram baixo o olho do Enrique sem problemas. Enviei umha nova entrada, quase copia-carbom da anterior, engadindo umha pergunta polo meu envio anterior. Uns dias depois comprovei que a cousa seguia igual, e enviei umha última pergunta polas minhas perguntas -urp!- resultado?: Rem. E isto, senhores, é manipulaçom. Deixar passar os comentários mais exaltados dos contrários e os mais moderados dos seareiros para criar umha imagem de vítima tem um só nome: manipulaçom. Apagar um comentário civilizado, crítico que nom calha bem coa imagem de radicalismo do "inimigo" que quer transmitir é isso... manipulaçom.

Entendam bem: Todos somos soberanos dos nossos blogs, som nossos. Temos o direito de borrarmos as trolleadas ou os comentários que nom queiramos ter no nosso sitio na rede. Nom podo maldezir de quem apaga um comentário, pois nom seria moral. Embora o jeito, os criteria, a praxe que segue e o resultado que obtem demostra a ideologia de quem apaga... e manipula. Quando um fala de direitos, de democracia, e reparte cartons de demócrata - condiçom que no Reino de Espanha tem como requisito ter umha única ideia de estado, e se calhar militar numha apertada banda do espectro político- tem a obriga estética de manter umha fachada dessa mesma "democracia". Fazer engenheria literária para inventar um contexto, jardinagem de comentários para criar um arvoredo de quadro digital, nom entra dentro da minha definiçom de "democracia".

P.S.: Umha outra mostra do comportamento deste moninho...

P.P.S.: Nom sou o único que critica o jogo do meninho.

P.P.P.S.: Editei o título, a santa lembrou-me aquele post em orballo que já contava as virtudes do rapaz.

chúzame -

Pseudohistória

23 maio 2007

Se querem fazer pseudohistória estilo "Enciclopedia Álvarez" ou Ansar com quatro ou cinco copos no ganhote ("The mueslis invaded Spaaaain")... que nom se conformem com parvadinhas como dizer que Alfonso X (S.XIII) ou Isabel La Católica (s.XV) eram espanhois. Esses dous eram uns pipiolos comparados com o emperador Marcus Ulpius Nerva Traianos (aka Trajano). Nado na Bética, ergo em Andaluzia, ergo em EjjjjjpaÑa (coño!) por força da maré histórica é um grande espanhol... tanto como Cristobal Colon, ou qualquera da lista de antes do século XVIII.

Como com muitras outras cousas (direitos língüísticos, autoderminaçons das naçons hispánicas) a mitologia da Espanha Eterna nom mudou nada desde os tempos do Franquismo. Os avanços eram umha miragem, umha quimera. Tentade explicar a qualquer espanhol convencido de que a sua "naçom" nom era tal antes de meiados do século XVIII. A ideia irreal dumha "Espanha" como o estado mais velho da Europa, como umha realidade territoria que apareceu entre as brétemas do segundo milénio, dum jeito pouco claro e pouco mitológico segue nas mentes dos milhons de cidadáns espanhois. Assim que nom surprendem os resultados desse inquérito de A3... bom, alomenos nom saiu o anano de Ferrol.

P.S.: Como comentam na nova em Chuza!, na Galiza nom estamos melhor. Quantas veces escuitamos "os celtas galegos"? E se fazemos esse inquérito na Galiza... quantos votarim por Breogam, por Ith, polos do monte Medúlio ou por algum suevo reinante? As naçons e povos construem-se no presente, nom no passado lendário.

chúzame -

Os jornalistas “rosa” nom sabem o que é um whois…

11 maio 2007

Admito que nom som um true galiciano e na sobremesa miro "Se lo que hicisteis..." em troques de admirar a musa (e o muso) no programa algarismico&léxico da TVG. É um programa mui singelo, com bos presentadores (E umha guapíssima Patricia Conde) e que brincam com todo o material que a merda-lercha-TV espanhola bota polas ondas cada dia. O meu favorito é Angel Martin, que co seu humor de "sempre surpeendido" comezara na Paramount Comedy e no programa de Fuentes. Esse jeito direito e com poucos comentarios de presentar-nos as parvadas dos programas de lercheo é boníssimo. É hoje ultrapassou a sua arte do escárnio: Conseguiu que todos os programas "rosa" falaram dumha página de solidaridade coa greve-fame de Julian Muñoz que pedia umha jornada de jejum para o dia 12.

A página era um fake criado essa manhá por Ángel Martín essa manhá, cutrenha (A primeira fotografia de google do hominho e a petiçom de jejum e umha caixa para registrar o teu correio) e registrada desde as oficinas da Sexta. A página já está editada "agradecendo" pola difusom da piada e agora tem o logo do programa. Aqui. Enviou um correio as redaçons dos programas, que acochava o nome de "Se lo que hicisteis" e aguardou... Todos caerom: Espejo Público, Por la Mañana, Aquí hay tomate... encherom cadanseus três ou quatro minutos de programa, sem contrastarem a informaçom. A tese de Angel Martir demostrada: Qualquer parvada sobre Isabel Pantoja tem os seus minutos na TV.

Pero o mais "incrível" é que em todos esses programas ninguem, logo de ler o mail e mirar a página, faga um whois... Todos os programas dim "Nom sabemos quenes som", "seguro algúm 'gracioso'", "Algum fan"...

Que passaria se os jornalistas/redactores/especialistas desses programas souberam algo de internet? Pois que em três passos (dous minutos) saberiam que foi La Sexta quem montou todo:

-Abrem umha terminal (ou miram em algumha página de whois):

-Whois para www.todosconjulian.com:

Domain Name: TODOSCONJULIAN.COM
Registrar: REGISTER.COM, INC.
Whois Server: whois.register.com
Referral URL: http://www.register.com
Name Server: DNS1.IMAGINA-MEDIA.COM
Name Server: DNS2.IMAGINA-MEDIA.COM
Status: clientTransferProhibited
Updated Date: 09-may-2007
Creation Date: 09-may-2007
Expiration Date: 09-may-2008

- Abrimos google: Imagina-Media... Fusom do Grupo Arbol e Media Pro... produtoras de La Sexta.

Oh!

chúzame -

As cousas polo nome

11 maio 2007

Eu sou mui aberto. Gosto da convivência pacífica dos povos e das culturas, das línguas e da interculuralidade (palavra horrível). Confio em que um dia os espanhois deixem de odiar o resto de culturas da península e permeiem a sua mente fechada aos catalans, bascos, galegos... Mais cada dia chegam mais e mais evidências de que isso é um acto de fe. Um I want to believe estilo Fox Mulder. Algúns dim que as parvadas de estes dous nom som representativas do sentimentos dos espanhois para com nós... porém nom é a primeira, nem a segunda, nem a terceira...

Espanha é assim, nós nom.

Na foto:

Esquerda: Etnofriki imperialista que tem ereçons cos relatos de fantasia histórica sobre a EspaÑa milenaria e que colhe perrenchas vergonhentas se lhe chega umha carta com um selo em basco.

Direita: Saudoso franquista que diz que o castelhano é umha língua superior que se fala em toda a Península ibérica polo seu "magnífico e simples" sistema de 5 vogais.

chúzame -

O que fai o alcool nos neuronios

5 maio 2007

Logo disto alguem duvida de que Aznar é parvo até as cachas?

chúzame -

Primeira foto da nova filha dos Príncipes de Astúrias…

29 abril 2007

chúzame -

Tan gallego como el gallego

23 abril 2007

Logo de ver esta iniciativa (real, nom é umha piada) de galeguíssimos (tam galegos como galego é o auto-odio) e preocupados pais estou na obriga de colaborar nesta campanha: