Archive for 'Pasteleo' Category
403 day and love!
4 March 2008Hoje esta web só poderá ser visitada por navegadores que cumpram cos estandares (Isto é, por quase todos, agás Internet Explorer). Podedes topar mais informaçom sobre esta proposta na página do 403 day.
Hoje tocava um post de pasteleo, mas coido que já quem tem que saber prefire que hoje nom a avergonhe. Só dizer que sou feliz. Quero-te
chuzame - Definir o amor com os actos
25 February 2008 
"O amor é marchar dum piso deixando quatro raparigas guapíssimas e espidas para ir cear cos sogros"
-Eu, num arrouto de amor
Baseado em feitos reais.
chuzame - Dous anos de delícia
31 January 2008Passarom já dous anos desde que te conhecim. Um pouco menos desde que me fixo o homem mais feliz do mundo.
Já sei que nom gostas de eu exprimir os meus sentimos em público, mas considero que hoje é um dia especial. Quero deixar escrito, umha vez mais, que contigo mudou por completo a minha vida. Que nom importam as disputas e os pequenos problemas que tenhem todas as parelhas, que o importante é que nunca podo deixar passar um dia sem me apertar contigo e confissar que te amo. Que ti me das todas as forças para continuar, que cada manhã na que esperto e olho para ti justifica um dia mais. Que sinto muito nom ser o moço perfeito, nom ser como os homens das revistas dos que gostas tanto ou como esse raparigo guapo da tele, mas que eu fago todo o esforço dentro das minhas limitaçons. E quero que tenhas bem claro que nom podo escrever todo o anterior sem chorar um pouquinho de delícia.
Quero-te.
[Perdom os outros leitores do blog, especialmente os diabéticos]
chuzame - Parabéns
21 September 2007
chuzame - Onte foi a primeira vez coa minha moça…
27 May 2007... sim, onte foi a primeira vez. A primeira conversa friki coa minha moça! Ela que é anti-friki!
Ao sairmos do cine logo de ver a disneylanada "Pirates of the Caribbean III" ceiamos, e lá sentados no kebab aconteceu.... Nom sei como saiu (nunca se sabe como nasce0 essa conversa) pero botamos varios minutos a discutir um verdadeiro clássico dos debates frikis de História: NINJA VS PIRATE!!!!!
Eu sou pro-ninja, tenho senso e sei o que é bom! Mais a minha santa, pobrinha, diz que é mais dos piratas (Som mais "sexys" é o seu argumento!). Coido que isto será umha eiva na nossa relaçom, pero seguro que a darei convencido do seu erro....
chuzame - Vai um ano
4 March 2007Vai um ano a minha vida mudou por completo graças a ti.
Obrigado por estes 365 dias.
(Nom ponho mais, que sei que nom gostas das pasteladas)
chuzame - I love Andrea!
5 December 2006
Para alguns pode ser umha parvada, pero para mim isto é a cousa mais bonita do mundo.
(sim, ultimamente nom crio muito conteudo... )
chuzame - Pudim adicado
16 November 2006Sei que é umha parvada, pero tinha ganas de escrever sobre elo. Cecais é que quero fazer-lhe umha pequena homenagem à pessoa maravilhosa, única, enorme e sapientíssima que é a minha avó, e que estes dias passa umha tempada de convidada por mor dumha caida. Fizem o meu primeiro pudim sozinho!
Umha das cousas que mais me acougam na vida e cozinhar, e mais dumha pode testemunhar que tenho manha, mais as sobremesas e algo que excede à minha qualificaçom. Estou acostumado a faze-los partilhando coa minha avó, que foi a minha mestra no tema dos fogons, e ela sempre leva o cabo da tijola. Um dos postres que melhor fai som os pudines: De chocolate, de cafe, com uvas, alemao, inglês, de Pascua... já nom lembro quandos leva feitos, e sempre riquísimos. Por isso na minha casa nom se tira nem o birolinho mais pequeno, que paga a pena garda-los. Em Santiago nom tenho à minha avó, pero por costume seguia a guardar os resto do pam numha bolsa na cozinha. O máximo que tenho feito som rabanadas, mais nom é mui bom para a saude (e para a linha), assim que mui remata no tacho. Assim que hoje (depois de quatro anos de "independência" picheleira) dim um passo e fizem um pudim, sem guia.
E surprendente o que lhe podem aprender a um sem se decatar. Lembrava à minha avó fazendo o pudim de café e tirei-me: O miolo do pam, leite, ovos, mel, cafe solúbel, farinha, manteiga, caramelo feito na casa... faltavam as uvas e as amendoas mais... estou num piso de estudantes, contra! Meia hora depois o molde estava no forno, e eu diante mirando e papando calor como um parvo. Que saira bem foi umha alegria mui grande. Depois do momento sacro do desmoldado fitei para a delicia feita polas minhas maos e saquei o telefone. Chameia à minha avó e contei-lhe que cozinhara um pudim sem ajuda, coido que entendou o porque da minha chamada, mandou-me um bico mui forta. A minha avó nunca foi de muitos bicos, de certo é um pouco tojo, e nom sei se foi cousa dos calmantes pero prometim levar-lhe um anaco ao hospital.
chuzame - Manco Capac, Sinchi Roca, Lloque Yupanqui…
24 August 2006
Lim esta nova em Chuza! e sem me decatar atopei-me repetindo um retrouso musical que escuitei em centos de ocasions à minha nai e à minha tia:
Manco Capac, Sinchi Roca, Lloque Yupanqui, Mayta Capac, Capac Yupanqui, Inca Roca, Yahuar Huacac, Viracocha Inca, Inca Yupanqui, Topa Yupanqui , Huana Capac, Huascar e Atahuallpa.
Seica é umha listagem dos reis incas. Ambas estudarom algúns anos no Colegio Santa Rosa, em Chimbote, no Perú. É sorprendente como umha cançom assim pode salta-lo océano e passar a outra geraçom, é... bonito.
chuzame - Ponte Vedra
18 July 2006
Pois já visitei a última cidade galega que nom conhecia. Contei coa melhor companha e a melhor cicerone que poderia pedir, que conseguiu que namorara da vila. Te es bien bonita Puentevedra!
(Aviso do Comando Anti-Cursi: Este post foi revisado para que o nivel de cursileria acadara niveis mínimos)
(Foto via: http://www.jtphotogallery.info/)
chuzame -