Posts tagged: familia

A praia do meu avô

É mui difícil de explicar, mas ver está foto sempre fai que chore. Já hai mais dum ano que morreu meu avô e esta é a foto que mais me emociona. Na fotografia está ele deitado numha praia de Guinea, em 1957.

Nom sei, todo o que para mim foi ele parece ligado com esta imagem: um homem culto até o extremo, que por umha razom ou outra percorreou todo o todo o mundo, e que sempre mantivo umha actitude para com a vida mui especial. Firme nas suas ideias, conversador até a fim, temperalmental nas discusons, mas também  contemplativo, pousado com umha estranha capacidade para desfrutar de cada momento, goçar do silêncio e do passar da existência.

Quero pensar que até nos momentos mais duros da longa enfermidade que rematou com a sua vida o meu avô tinha essa praia no seu interior e fitava para esse mar.