Sergas – O demo me leve http://odemo.blogaliza.org "Si eu fixen tal mundo, que o demo me leve" Mon, 16 Apr 2012 18:11:04 +0000 gl-ES hourly 1 https://wordpress.org/?v=4.7.1 Publicidade de grupo fundamentalista em centro de saúde “Concepción Arenal” http://odemo.blogaliza.org/2009/01/29/publicidade-de-grupo-fundamentalista-em-centros-de-saude-galegos/ http://odemo.blogaliza.org/2009/01/29/publicidade-de-grupo-fundamentalista-em-centros-de-saude-galegos/#comments Thu, 29 Jan 2009 11:28:06 +0000 http://odemo.blogaliza.org/?p=1278 Actualizaçom na fim.

Hoje passei polo centro de atençom primária Concepción Arenal e em vários painéis de informaçom topei com esta desagradável surpresa:

A imagem é só umha de tantas, mas ilustra bem a vergonha: Publicidade do lobby de ultra-direita espanholista e fundamentalista cristiam “Hazte Oir” num espaço público reservado para informaçom sanitária e de utilidade pública. O resto de cartazes som avisos do próprio centro de saude, publicidade do SERGAS, a Conselharia de Sanidade ou da Xunta. Nom é algo pontual, comprovei que em todos os andares do centro está presente o anúncio da sua campanha contra o direito de decidir das mulheres.

Nom tenho dúvida de que o responsável é algum trabalhador do centro, claro. Por isso pedim umha folha de reclamaçom e apresentei a seguinte:

EXPÓN a Vde. a QUEIXA seguinte, o obxeto de que tome as medidas oportunas
FEITOS:
Que no centro de atençom primária “Concepción Arenal” em Santiago de Compostela esta-se a empregar espaço de anúncio público e sanitário para publicidade de caracter político.

Em vários painéis do centro, junto com informaçom oficial (SERGAs, Xunta, Conselharia…) estám presentes cartazes do lobby de ultra-direita e fundamentalista cristiam “Hazte Oir” com mesagens contra a escolha e o direito de interrupçom da gravidez.

Este feito constitui umha irregularidade grave e de continuar será comunicado, junto com material gráfico provatório, a instáncias administrativas superiores.
29 de Janeiro de 2009.

Se tenho tempo passarei a próxima segunda feira comprovar se segue presente a publicidade fundamentalista, e ponher outra reclamaçom. O seguinte será a inspecçom do SERGAS.

—————————————

Actualizaçom 29 Jan; 19:00: As vezes o sistema funciona. Quase no momento de enviar esta entrada amigos meus na CIG falaram comigo do tema e enviaram a notícia para a secçom de saúde, e ao parecer a queija percorreu Atençom Primária mui rápido. Segundo comentam já há umha orde para retirar todos esses cartazes dos centros de Saúde. Viva! Viva!

Actualizaçom 30 Jan; 10:00: A nova sae em La Voz!

]]>
http://odemo.blogaliza.org/2009/01/29/publicidade-de-grupo-fundamentalista-em-centros-de-saude-galegos/feed/ 39